Rapportryerbeweging
Rapportryerbeweging
Die Beweging berus op ’n Christelik Afrikaanse grondslag.
Die Rapportryerbeweging streef daarna om:
- Die Afrikaanse taal, sedes en gewoontes soos geopenbaar in sy Christelike geloof, geskiedenis en tradisies te ontwikkel, uit te leef, te handhaaf en te bevorder met die jeug en gesonde gesinsbande as vertrekpunt;
- Patriotisme en ‘n lojale samehorigheidsgevoel in eie geledere en onder almal wat die Rapportryerbeweging se grondslag en doelstellings aanvaar, te bevorder.
Afrikaanse Taalmonument
Die ontwerp van die argitek Jan van Wijk stel die groei en ontwikkeling van Afrikaans voor en gee erkenning aan die taal se uiteenlopende wortels wat oor die drie kontinente Afrika, Europa en Asië verspreid lê. Van Wijk is ook geïnspireer deur die woorde van twee prominente Afrikaanse skrywers, N.P. van Wyk Louw en C.J. Langenhoven. Die Afrikaanse Taalmonument is op 10 Oktober 1975 onthul.
Afrikaans 90
Na afloop van die suksesvolle Groot Trek 175-vieringe wat getuig het van positiewe samewerking tussen verskeie taal- en kultuurorganisasies, was daar in 2015 ’n unieke geleentheid om ons gemene deler – ons Afrikaanse taal – te vier. Die feesjaar het die o geleentheid gebied om te besin oor die stand van Afrikaans as amptelike landstaal en op watter wyse ons Afrikaanse taal- en kultuurwêreld verantwoordelikheid kan neem om Afrikaans uit te bou. Korpse is versoek om spesifiek aandag te gee aan die viering van AFRIKAANS 90 met konkrete taalprojekte.
Die verhaal van Bloedrivier
Die Mfecana tydperk, 'n tydperk van uitdelgingsoorloë, wat die oorsaak was dat duisende inheemse volke uitgewis of verdryf is, het begin toe Shaka koning van die Zoeloes geword het. Baie stamme het by Shaka aangesluit, terwyl diegene wat nie wou aansluit nie, uitgemoor is. So het die hele Natal, suid van die Tugela, ontvolk geraak.
Die Voortrekkers verdien die eer dat hulle die Mfecana beëindig het.
Die Vrouemonument
'n Somber suil wat ons aan die tragiese dood van 26 000 vroue en kinders herinner
Die Nasionale Vrouemonument in Bloemfontein is op 16 Desember 1913 onthul. Dit is opgerig om die tragedie te gedenk van sowat 26 000 Afrikanervroue en -kinders wat enkele jare tevore in die Anglo-Boereoorlog van 1899-1902 gesterf het
COVID-19 information is beskikbaar by: https://coronavirus.datafree.co/
Landsberaad 2020
Knapsak 34
Kom neem gerus deel aan 2020 se Bybelvasvra!
Leerlinge tot Graad 7 kan spanne vorm en inskryf.
Klik op Bybelvasvra vir al die inligting. Skrifgedeeltes en Vraesel inligting vir Juniors en Seniors is nou daar beskikbaar om af te laai.
Kennisgewing COVID-19 Pandemie 20 Maart 2020
Na deeglike oorweging is daar besluit om 2020 se Bybelvasvra slegs oor een rondte (Augustus 2020) en ‘n finale rondte rondte vir die top tien spanne (Oktober 2020) aan te bied.
Die Skrifgedeeltes vir die eerste rondte word steeds gebruik. Gevolglik is daar baie meer tyd vir voorbereiding. Die tweede rondte se Skrifgedeeltes val dus totaal weg.
Die inskrywingsdatum word verleng tot 30 Junie 2020.
INDIEN DIE SITUASIE LATER VERERGER SAL ‘n FINALE BESLUIT GENEEM WORD. HOPELIK SAL DIT NIE NODIG WEES NIE.
Sterkte met julle voorbereiding.
Bybelvasvragroete
Hennie Schmidt
Bybelvasvra: Belangrike datums 2020
|
Skrifgedeeltes beskikbaar |
November 2019 |
|
Laaste dag vir inskrywings |
30 Junie 2020 |
|
1ste Rondte |
Verval |
|
Punte 1ste Rondte |
|
|
2de Rondte |
20 tot 25 Augustus 2020 |
|
Punte 2de Rondte |
7 September 2020 (op die laatste) |
|
Finale Rondte (Top 10 spanne) |
16 tot 18 Oktober 2020 |
Die Bybelvasvra se doel is die bevordering van die jeug se liefde vir die Bybel en Bybelstudie, die bevordering van hul kennis en hanteringsvermoë van die Bybel, asook die bevordering van hul kommunikasie- en samewerkingsvermoë.
Die lewe gaan oor meer as net wen, en dit is juis waarom ons u wil aanmoedig, om soveel moontlik kinders die geleentheid te bied om deel te neem. Die gedagte is juis dat elke kind wat deelneem, die mense rondom hom/haar ook positief kan beïnvloed en die Woord só uitgedra word - veel verder as net die skool en die afrigter, maar ook gesinne.
FAK
Struwig Eko-Reservaat
